पोखरा महोत्सवमा लोक दोहोरीका चर्चित कलाकारहरुको विशेष प्रस्तुति हुने
पोखरा महोत्सवमा लोक दोहोरीका चर्चित कलाकारहरुको विशेष प्रस्तुति हुने

Praharentertainmentmedia 341+ समाचार ( )

८ पौष २०८०, आइतबार

यही पुस १२ गतेदेखि १६ गतेसम्म (डिसेम्बर २८ देखि जनवरी १ सम्म) पोखरामा आयोजना हुने नेपालकै ठूलो स्टि्रट फेस्टिवलमा नेपालका चर्चित लोकदोहोरी कलाकारहरुको पनि प्रस्तुति हुने भएको छ ।

‘२५ औं पोखरा स्टि्रट फेस्टिवल’मा राष्ट्रिय स्तरमा ख्याति कमाएका गण्डकी प्रदेशका कलाकारहरुसँगै पोखरालाई नै कर्मभूमि बनाएर सांगीतिक यात्रामा जमेका स्थानीय कलाकारहरुको प्रस्तुति रहने आयोजकले जनाएको छ ।

रेस्टुरेन्ट एण्ड बार एसोसिएसन नेपाल (रेबान) को आयोजना तथा ‘एड साथी’ र ‘स्वणिर्म इन्टरटेन्मेन्ट’ले व्यवस्थापन गरिरहेको यो महोत्सवमा पहिलो दिन दिउँसो प्रजापति पराजुलीसहित ६ जना कलाकारहरुको प्रस्तुति रहने छ । सो दिन दिउँसो हुने लोकदोहोरी कार्यक्रममा पराजुलीसँगै जीवन दाहाल, शिवहरी ढुंगाना, कृष्ण अखेली, मन्जु विक तथा कमला सुनारले आफ्नो जोडदार प्रस्तुति दिनेछन् ।

यसैगरी महोत्सवको दोस्रो दिन डिसेम्बर २९ का दिनमा ‘फूल्यो बामरी’ तथा लोक दोहोरी ब्याटल ‘वा वा’की चर्चित गायिका प्रीति आले काठमाडौंबाट आएर पोखरेली दर्शकलाई झुमाउनेछिन् । सो दिन उनीसँगै कुमार पुन, शिवहरी ढुंगाना, शंकर बिरही गुरुङ, कृष्ण सुवेदी, ज्योति लोहोनी तथा कमला गैरेको प्रस्तुति रहनेछ ।