नेपाल-अमेरिका अन्तर्राष्ट्रिय फिल्म फेस्टिभल २०२४ को आवेदन खुला
नेपाल-अमेरिका अन्तर्राष्ट्रिय फिल्म फेस्टिभल २०२४ को आवेदन खुला

Praharentertainmentmedia 354+ समाचार ( )

१८ माघ २०८०, बिहीबार

नेपाल-अमेरिका अन्तर्राष्ट्रिय फिल्म फेस्टिभलको सातौं संस्करण असार ५ देखि ८ गते (जुन २० देखि २३)सम्म आयोजना हुने भएको छ । अमेरिकाको मेरिल्याण्ड राज्य र वासिङ्टन डीसी महानगर क्षेत्रमा आयोजना गरिने महोत्सवका लागि विश्वभरबाट आवेदन खुला गरिएको आयोजक संस्थाले जनाएको छ ।

मेरिल्याण्डमा स्थापित गैरनाफामूलक संस्था नेपाल-अमेरिका फिल्म सोसाइटीले सन् २०१७ देखि प्रत्येक वर्ष महोत्सव आयोजना गर्दै आएको छ ।

महोत्सवमा कथानक, वृत्तचित्र, छोटा फिल्म, एनिमेसन लगायतका विधाका फिल्म स्क्रिनिङ गरिनेछन् । नेपाल, अमेरिका र दक्षिण एसियासहित विभिन्न देशका स्वतन्त्र फिल्मलाई प्रदर्शनको उच्च प्राथमिकतामा राखिने आयोजकले जनाएको छ ।

वासिङ्टन डीसी, मेरिल्याण्ड र भर्जिनियाका स्थानीय फिल्ममेकरलाई प्रोत्साहन गर्न ‘डीएमभी क्लोजअप’अन्तर्गत पनि फिल्म प्रदर्शन हुने जनाइएको छ । स्थापनाकालदेखि ‘ग्लोबल पिस फिल्म फेस्टिभल’ फ्लोरिडासँगको सहकार्यमा प्रदर्शन हुँदै आएका फिल्मलाई पनि यस वर्ष प्रदर्शन गरिने भएको छ ।

प्रतिक्रिया

Cmgnvo २५ फाल्गुन २०८२, सोमबार

Votre sante merite le meilleur : commandez vos medicaments en quelques clics. Livraison rapide et discrete partout en France des 24/48h. Profitez de prix jusqu’a 70 % moins chers que en pharmacie physique. SanteConnect – votre pharmacie en ligne de confiance depuis 2018.temovate

Cmgnvo २५ फाल्गुन २०८२, सोमबार