ठाडाबाट सदरमुकामतर्फ जाँदै गरेको जिप ५०० मिटर तल खस्दा चार जनाको घटनास्थलमै मृत्यु। डडेल्धुराको नवदुर्गा गाउँपालिका–५ चौडमा बिहीबार बिहान जिप दुर्घटनामा चार जनाको मृत्यु भएको छ भने कम्तीमा ६ जना घाइते भएका छन्।
प्रहरीका अनुसार से १ ज ७३८ नम्बरको जिप ठाडाबाट सदरमुकामतर्फ आउँदै गर्दा करिब ५०० मिटर तल खसेको हो। घटनास्थलमै चार जनाले ज्यान गुमाएका छन् भने घाइतेहरूलाई डडेल्धुरा अस्पताल पुर्याइएको छ।
मृतकहरूको पहिचान प्रहरीले पुष्टि गरिसकेको छ तर विस्तृत विवरण सार्वजनिक गर्ने तयारी भइरहेको छ। घाइतेहरूमध्ये दुई जनाको अवस्था गम्भीर रहेको बताइएको छ। दुर्घटनाको कारण भने अझै प्रष्ट हुन सकेको छैन।
