काठमाडौंको नेपाल प्रहरी क्लबमा बिहीबारदेखि “अहिंसा फेस्टिभल नेपाल २०२५” सुरु भएको छ।
नेपाल वेजिटेरियन एसोसिएसनले आयोजना गरेको महोत्सव “Compassion Connects” भन्ने नारासहित अगस्ट ३० सम्म सञ्चालन हुनेछ। महोत्सवमा अन्तर्राष्ट्रिय वक्ता, संवाद सत्र, सांस्कृतिक कार्यक्रम तथा शाकाहारी परिकारको प्रदर्शनी राखिएको छ।
आयोजकका अनुसार करिब ५० हजार सहभागी हुने अपेक्षा गरिएको छ। यस कार्यक्रममार्फत शाकाहारी जीवनशैली, अहिंसात्मक विचार र वातावरण संरक्षणको सन्देश फैलाउने उद्देश्य राखिएको छ।
