काठमाडौँ ।
अवकाश पाउन करिब ६ दिन मात्रै बाँकी रहेका प्रहरी महानिरीक्षक (IGP) लाई निरन्तर पदमा कायम राख्नुपर्ने विषयमा गृह मन्त्रालयले नियमावली संशोधनको प्रक्रिया अघि बढाएको खुलेको छ।
विद्यमान कानुनअनुसार प्रहरी महानिरीक्षकको पदावधि चार वर्ष वा ५८ वर्ष उमेर, जुन पहिले पुग्छ, त्यति समयसम्म मात्र रहने व्यवस्था छ। तर हालका IGP को कार्यकाल निरन्तरता दिने उद्देश्यले सो नियमावलीमा परिमार्जन गर्ने प्रस्ताव मन्त्रालयस्तरमै छलफल भइरहेको स्रोतले जनाएको छ।
यस विषयमा मन्त्रिपरिषद् तहमा समेत विचारविमर्श भइरहेको जनाइएको छ। यद्यपि, पूर्व प्रहरी अधिकारी र विज्ञहरुले भने संगठनलाई व्यक्तिनिष्ठ बनाउन खोजिएको भन्दै चिन्ता व्यक्त गरेका छन्। उनीहरुको भनाइमा, यस्तो कदमले भविष्यमा राजनीतिक पहुँचका आधारमा प्रहरी नेतृत्व लम्ब्याउने परिपाटी बस्न सक्ने जोखिम छ।
स्रोतका अनुसार अन्तिम निर्णय मन्त्रिपरिषद्ले गर्नेछ। हाल भने गृह मन्त्रालयले संशोधन प्रारम्भिक मसौदा तयार गरी कानुनी प्रक्रिया अघि बढाएको छ।
