दुई भारतीय फिल्म ‘डंकी’ र ‘सलार’ क्रमशः बिहीबार र शुक्रबार रिलिज हुँदैछन् । शाहरुख खान र प्रभासजस्ता स्टार अभिनित यी फिल्मले उछाल ओपनिङ गर्ने पक्का छ ।
यी दुवै फिल्मको एड्भान्स टिकट बिक्री पनि सुरु भएको छ । भारतमा ‘सलार’ले अग्रिम टिकट बिक्रीमा ‘डंकी’लाई उछिनेको छ । ‘सलार’ले अग्रिम टिकट बिक्रीमा ‘डंकी’लाई २.४ करोड भारुभन्दा बढी पछि पारेको भारतीय सञ्चारमाध्यमले जनाएका छन् ।
नेपालमा पनि करिब यस्तै ट्रेन्ड देखिएको छ । अग्रिम टिकट बिक्रीको कुरा गर्दा नेपालमा ‘सलार’को बुकिङ ८०-९५ प्रतिशत हुँदा ‘डंकी’को टिकट बिक्री ५० देखि ७० प्रतिशत देखिएको छ ।
नेपालमा शाहरुखका अघिल्ला दुई फिल्म जवान र पठानको अग्रिम टिकट बिक्री खुलेको दुई दिनमै करिब सोल्डआउटको अवस्था थियो । तर ‘डंकी’को पूर्वकमाइमा सुस्तता देखिएको छ ।
