ओस्कार विजेता फिल्म ‘प्यारासाइट’मा आफ्नो भूमिकाका लागि चर्चित दक्षिण कोरियाली अभिनेता ली सुन-क्युन मृत भेटिएका छन् । बुधबार बिहान उनी मृत भेटिएको दक्षिण कोरियाली प्रहरीले पुष्टि गरेको छ ।
४८ वर्षीय अभिनेता सियोलको एउटा पार्कमा कारमा अचेत अवस्थामा फेला परेका थिए । लीले आत्महत्या गरेका हुन् कि होइनन् भन्ने कुरा स्पष्ट छैन । तर प्रहरीले नोट लेखेर घर छाडेको जनाइएको छ । लागूऔषध सेवनको आरोपमा प्रहरीले उनीविरुद्ध अनुसन्धान गरिरहेको थियो ।
