२ साउन, काठमाडौं । महाराजगंज स्थित रहेको नेपाल प्रहरीको केन्द्रीय अनुसन्धान ब्यूरो (सीआईबी) लाई लाजिम्पाटबाट हटाउने तयारी गरेको छ ।उक्त सीआईबी ब्यूरो लाई हटाएर व्यापारिक घरानालाई भाडामा दिन लगिएको हो। नेपाल प्रहरी एकडेमीको सानो भवनबाट सरेको दुई वर्ष नपुग्दै नेपाल ट्रष्टले सीआईबीलाई ठाउँ खाली गरिदिन ताकेता गर्न थालेको हो । उक्त सीआईबी ब्यूरो लाई हटाएर व्यापारिक घरानालाई भाडामा दिन नेपाल ट्रष्टको कार्यालयले नेपाल प्रहरीको केन्द्रीय अनुसन्धान ब्यूरो (सीआईबी) लाई लाजिम्पाटबाट हटाउने तयारी गरेको छ ।
नेपाल प्रहरी उच्च स्रोतका अनुसार, नेपाल ट्रस्टले १८ असारको निर्णय अनुसार सम्झौता नविकरण नहुने जनाउदै घर खाली गरिदिन अनुरोधसहित सीआईबीलाई पत्र लेखेको छ । पहिले पनि पहिलो वर्ष वित्ने वित्तिकै सीआईबीलाई हटाउन खोजिएको थियो । तर, अन्य विकल्प नभएकोले सीआईबी त्यहीँ बसेको थियो । एक अधिकारीका अनुसार, "त्यसबेला प्रहरीले एकैपटक रकम हालिदियो, सो रकम उहाँहरुले बुझेपछि अन्तिममा नवीकरण भयो", ‘तर, पछिल्लो पटक चाहिँ सीआईबीलाई ठाउँ छाड्न चर्को दबाब छ ।
घर भाडा सम्बन्धी सम्झौताको अवधि मिति २०८२ असार मसान्तसम्म मात्र रहेको र अर्को आर्थिक वर्षका लागि सम्झौता नवीकरण नहुने भन्दै शाखा अधिकृत महाप्रसाद दाहालको हस्ताक्षरसहित ब्यूरोलाई पठाइएको पत्रमा नेपाल ट्रष्टको स्वामित्वमा रहेको काठमाडौं–२, लाजिम्पाटस्थित कित्ता नं. ४०२, ४०४, ४९५ को ६ रोपनी १३ आना जग्गा र त्यहाँ रहेको भवन खाली गरिदिन भनिएको छ ।पत्रमा अर्को आर्थिक वर्षका लागि नेपाल ट्रस्टको १८ असारको निर्णय अनुसार सम्झौता नविकरण नहुनेभएकाले घर खाली गरिदिने व्यवस्था गरिदिनु हुन निर्णानुसार अनुरोध छ’, भनिएको छ ।
