२६ असार, काठमाडौं । तिब्बत हुँदै बगेर आउने केरुङ र ल्हेन्दे खोलाको बाढी असार २४ गते बिहान भोटेकोशी नदीमा मिसिँदा भयानक बनेको थियो । तिब्बत क्षेत्रबाट बगएर आएको गेग्रानसहितको बाढीले रसुवाको सुन्दर पहाडी क्षेत्रको भूगोल क्षतविक्षत बनायो ।
बाढीले नेपाल–चीन जोड्ने मितेरी पुल, टिमुरे भन्सार कार्यालय, जलविद्युत् आयोजना, विद्युतीय चार्जिङ स्टेसन, सडक लगायतका संरचना तहसनहस पारेको छ । हिमबाढीका कारण नेपाल–चीन व्यापारिक नाका रसुवागढीको रौनक क्षणभरमै तहसनहस भयो ।
बाढीमा परी कम्तीमा ९ जनाको मृत्यु भएको पुष्टि भएको छ भने २० जना बेपत्ता छन् । भन्सार जाँचपासका लागि राखिएका मालबाहक गाडी र विद्युतीय कारहरू बगेका छन् ।
स्याफ्रुबेसी–रसुवागढी खण्ड पूर्णरूपमा अवरुद्ध भएको छ । बाटो भत्किएकाले मानिसबीच बाटोमै अलपत्र छन् । जिल्ला प्रशासन कार्यालय रसुवाका अनुसार करिब १२० किलोमिटर बाटो क्षतविक्षत भएको छ । बाढीमा परी कम्तीमा ९ जनाको मृत्यु भएको पुष्टि भएको छ भने २० जना बेपत्ता छन् । भन्सार जाँचपासका लागि राखिएका मालबाहक गाडी र विद्युतीय कारहरू बगेका छन् ।
